Kumbaro hap një tjetër muze, “Shtëpia e Gjetheve”

Ministrja e Kulturës, Mirela Kumbaro e pranishme në inagurimin e muzeut “Shtëpia e Gjetheve” u shpreh se kjo godinë që u ndërtua për ti dhënë jetë njeriut por që u përdor për t’ia marrë jetën atij. Kjo godinë tashmë do jetë pjesë e memories për të kujtuar atë epokë kur të gjithë përgjonin të gjithë.
“Në korrik të 2014-tës mendova se e kisha kaluar tmerrin e përgjimit të diktaturës. Por vitet 90-të hoqën zvarre këtë histori me emra spihunësh dhe dosjesh. Unë i përkas brezit të çimkave dhe që kur të gjithë përgjonin të gjithë. Kjo godinë u ngrit si klinikë Obstetrike për ti dhënë jetë njeriut, por që në fakt u përdor për t’ia marrë jetën njeriut. Ndërtesat e harruara dhe të rrënuara po rikostruktojmë. Që nga 2014-ta kemi punuar për planin e rindërtimit dhe muzealizimin e kësaj ndërtese”, u shpreh Kumbaro.