Nga Mirela Kumbaro
Tërmet Peçi është një nga djemtë më të dashur për Tepelenën dhe gjithë Labërinë, udhëheqësi i fitoreve të thella të Partisë Socialiate, që tepelenasve ua ka shpërblyer besimin me punë. Tërmeti mund të jetë kryebashkiaku i vetëm që nuk ua bën yzmetin rrjeteve sociale, sepse pëlqen që njerëzit t’i takojë nga afër, gjërat t’ua thotë në sy, e punët t’i shohin në qytet e në fshatra e jo në internet.
Që prej vitit 2011 Kryebashkiak i Tepelenës, ka qenë bashkëpunëtor i hershëm dhe mik i vyer në gjithë projektet që kemi realizuar për transformimin e Tepelenës, që nga rijetëzimi i Kalasë Historike, te investimet infrastrukturore, e deri te Vjosa, krenaria e Shqipërisë që pas shpalljes Park Kombëtar pikërisht në Tepelenë, do të ketë shumë shpejt aty edhe “shtëpinë e saj”, një Qendër Multifunksionale vizitorësh që do t’ia shtojë edhe më shumë nurin dhe turistët Tepelenës, Memaliajt, Përmetit e gjithë Qarkut.
Si ngahera, edhe në zgjedhjet e 11 Majit, me Tërmetin do t’ia dalim të skalisim bashkë me skuadrën tonë të kandidatëve socialistë, një tjetër fitore në zonën e Memaliajt e Tepelenës e mbare qarkun, siç ai di, duke u bërë simbol i fitoreve me dinjitet të Partisë Socialiste në qarkun e Gjirokastrës dhe një model për të gjithë të rinjtë socialistë të qarkut.
