Shtëpia e Big Brother VIP 5 është pasuruar me energji të reja, pasi tre banorë të rinj janë bërë pjesë e spektaklit. Edisa, Nikol dhe Egi janë konkurrentët më të rinj që i bashkohen garës për Çmimin e Madh, duke sjellë histori dhe personalitete të ndryshme që pritet të ndikojnë në dinamikat e lojës.
Hyrja e tyre ka ngjallur menjëherë kuriozitet mes publikut dhe banorëve të tjerë, pasi secili prej tyre vjen me një profil interesant dhe me synimin për të lënë gjurmë në shtëpinë më të famshme.
Edisa ka studiuar për marketing, por interesat e saj shkojnë përtej kësaj fushe. Ajo shprehet se shpesh e gjen veten të lidhur me botën e estetikës, modës dhe fitnesit, fusha që e pasionojnë prej kohësh.
Nga ana tjetër, Nikol është një fotomodele nga Korça, 23 vjeçe dhe aktualisht single. Për disa vite ajo ka jetuar në Gjermani, ndërsa vetëm së fundmi është rikthyer në Shqipëri për të vazhduar jetën dhe karrierën e saj.
Ndërkohë, Egi është një grua e përkushtuar ndaj familjes dhe jetës së saj personale. Ajo është lumturisht e martuar dhe nënë e një djali 15-vjeçar. Marrëdhënia me partnerin e saj, të cilin e njeh prej shumë vitesh, është një nga shtyllat më të rëndësishme të jetës së saj. Efi ka studiuar pikturë në Firence, duke zhvilluar kështu edhe anën e saj artistike.
