Në mes të kaosit, Kuvendi i mbylli punimet e ditës së enjte, duke arritur të realizojë edhe votimet. Pasi rinisi seanca, kryetari i Kuvendit, Gramoz Ruçi i kujtoi opozitës se kishte kërkuar një interpelancë urgjente me ministren e Drejtësisë këtë javë. Por opozita vazhdonte të godiste tavolinat, duke thirrur: Hajdutë, kriminelë.
Më pas vazhduan edhe votimet. Mazhoranca miratoi projektligjin për Aeroportin e Vlorës. Por sërish nuk u miratuan dot listat për KLGJ dhe KLP, për mungesë të votave të opozitës.
