Ky është shqiptari i plagosur në Athinë, ja dyshimet e para

34-vjeçari shqiptar Renis Fejzolli u plagos me armë zjarri në një atentat në Athinë. Mediat greke kanë publikuar edhe foton e shqiptarit, i cili u plagos pak para orës 04:00 të mëngjesit të 2 shkurtit, në një park në zonën e Botanikos. 34-vjeçari mori tre plumba në bark, ndërsa i është nënshtruar një ndërhyrje kirurgjikale. Sipas informacioneve, autorët kanë qenë në një mjet, i janë afruar 34-vjeçarit dhe e kanë qëlluar tre herë.
Shqiptari rezulton me precedent penal, pasi në vitin 2019 është arrestuar për një çështje droge, por provat e deritanishme nuk tregojnë për përfshirjen e tij në ndonjë rast tjetër të rëndë. Pista ku po heton policia për plagosjen e shqiptarit është ajo e prishjes së pazareve të drogës.