‘Ky është vetëm fillimi’, Balotelli paralajmëron kundërshtarët në kampionatin turk

Një gol i rëndësishëm, jo vetëm në nivel personal, por për të gjithë skuadrën. Mario Balotelli ka shënuar golin e tij të parë me Adana Demirspor në fitoren 3-1 të marrë kundër Rizespor. Një penallti që ka hapur ndeshjen dhe që ka kontribuar në suksesin e parë në kampionat të Vincenzo Montella, i cili është bërë trajneri i klubit turk.
Gjatë natës, në rrjetet sociale, kanë ardhur edhe deklaratat e para të Super Mario-s. “This is only the start” (Ky është vetëm fillimi), ka shkruar sulmuesi në Instagram. Shpresa për të dhe për skuadrën e kampionatit turk është që të mos jenë vetëm fjalë. Në ndeshjet e mëparshme, ish-sulmuesi i Inter dhe Milan nuk ka luajtur keq, por nuk ka arritur të zhbllokohet dhe të gjejë fitoren.
Tani, Adana Demirspor ka shkuar në kuotën e 5 pikëve në renditje pas një fitoreje, dy barazimeve dhe po kaq humbjeve.