Nga Engjëll Serjani
Lajm i hidhur, farmak. U nda nga jeta i Urti Stefan MIHA. Njeriu i urtë, mësuesi i përkushtuar, prindi dhe bashkeshorti shëmbullor, historiani dhe ciceroni emblematik i legjendave të Labovës së Kryqit dhe kishës së Shën Mërisë, nisi udhëtimin e fundit drejt qiejve. Sa e sa breza edukoi me dashuri prindërore, sa e sa vizitorë e turistë nga gjithë rruzulli i priti dhe percolli me fjalë historie e dashurie. Stefan Miha ishte rrëfenjësi i palodhur dhe një kronikan i rrallë i legjendave dhe historive qe qarkojnë vendlindjen e tij te dashur Labovën.
Nëse dikush deri sot që Stefani na la do të merrte rrugën për në Labovën e Kryqit, nuk do të kishte shans tjetër pa takuar dhe u kuvenduar me Stefan Mihën. Mik i përhershëm me historianë, arkeologet, gazetarët vizitorët dhe grupet turistike që shkonin në Labovën e Kryqit. Kush nuk e njohu Stefanin e nuk e shpalli “Profesor”. Ndarja e tij nga jeta lë pas një boshllëk të madh. Ai iku me merakun e grabitjes së Kryqit Legjendë të Kishës së Shën Mërisë qe ishte për të si sytë e ballit.
Stefani do të kujtohet veçanërisht për kujdesin dhe pëkushtimin shëmbullor ndaj bashkëshortes së tij të sëmurë. Ai nuk do të haŕrohet dhe përjetësisht do të kujtohet për përkujdesjen e pashembullt për të rrefyer mitet; legjendat dhe historitë e pafundme të Labovës dhe labovitëve. Lamtumirë miku im i dashur Stefan Miha.
