Një nga 4 Terminalet e Transportit të Udhëtarëve do të ndërtohet në Gjirokastër. Lajmin e bën me dije kreu i Drejtorisë së Shërbimeve të Transportit Rrugor, Blendi Gonxhja. Sipas tij falë financimit të këtij institucioni përfitojnë bashkitë Shkodër, Vlorë, Gjirokastër dhe Elbasan.
“Në total për të këto qarqe volumi i transfertave në vit është 15,838,445! Frekuencë që nëse modernizojmë kushtet, infrastrukturën, do të rritet! Puna ka nisur me njoftimin zyrtar për bashkëpunimin me këto 4 bashki dhe me hulumtimin e mundësive për vendin, truallin e domosdoshëm për Terminal, sipas udhëzimit të MIE në fuqi. Secilës bashki do t’i jepet një afat për të shprehur vullnetin dhe dakordësinë, me qëllimin që ky pilotim të arrijë më së pari në ato komunitete ku administrata vendore nuk ka plane alternative dhe ku sigurohen kushtet! Financimi i ndërtimit të Terminaleve do të jetë direkt nga DPSHTRR, fonde nga vetëfinancimi, jo nga Buxheti i Shtetit!”, shkruan Gonxhja.
Ai ka paraqitur edhe disa rendera në 3D se sdi do të duken terminalet, por që sipas tij nuk janë projekte të detajuara. Ende nuk është e qartë se kur pritet të përfundojë ndërtimi i tyre, megjithatë kjo do të varet shumë edhe nga bashkitë që kanë detyrimin të gjejnë truallin për këto investime dhe të lehtësojnë procedurat e tjera në vijim. ©argjiroja.net
