Nën drejtimin e Kryeministrit Edi Rama, është mbledhur sot qeveria ku ka marrë vendimin për qenë data 3 janar ditë pushimi. Sipas vendimit të marrë sot bëhet me dije se dita e premte do të jetë ditë pushimi për administratën. Ndërkohë bëhet me dije se dita e punës e datës 3.1.2020 do të zëvendësohet në një nga ditët e pushimit brenda muajit janar
VENDIMI I PLOTË
VENDIM PËR CAKTIMIN E DITËS SË PREMTE, DATË 3.1.2020, DITË PUSHIMI
Në mbështetje të neneve 95, pika 2, dhe 100, të Kushtetutës, me propozimin e Kryeministrit, Këshilli i Ministrave
VENDOSI:
Caktimin e ditës së premte, datë 3.1.2020, ditë pushimi për punonjësit e administratës shtetërore. Dita e punës e datës 3.1.2020 do të zëvendësohet në një nga ditët e pushimit brenda muajit janar. Ngarkohen institucionet e administratës shtetërore për zbatimin e këtij vendimi.
Ky vendim hyn në fuqi menjëherë dhe botohet në “Fletoren zyrtare”.
