Laporta: “Tani fillon një epokë e re për Barçën, epoka pa Leo Messin”

Presidenti i Barcelonës zyrtarisht ka zbuluar arsyen e largimit të Lionel Messit Joan Laporta, në konferencë për media ka shpjeguar se klubi dhe Messi kishin arritur akordin për rinovimin e kontratës, por fair play financiar nuk e lejoi një gjë të tillë.
Sipas tij, rinovimi me Messin mund ta fuste klubin në një rrezik për 15 vjetët e ardhshme dhe kështu, vendosën që të sakrifikojnë më të mirin në botë për të mirën e klubit. “Barcelona është më e rëndësishme se të gjithë, përfshirë se lojtari më i mirë në botë. Ne gjithmonë do të jemi falënderues ndaj tij”, deklaroi Laporta.
Ai gjithashtu tha: “Trashëgimia e Messit është e shkëlqyeshme. Epoka më e mirë në historinë e FC Barcelona. Tani fillon një epokë e re, një pas Leo Messit, siç ndodhi me lojtarët e tjerë në historinë e Barçës”.