Edison Ndreca, mbrojtësi i majtë i Besëlidhjes, është larguar së fundmi nga lezhjanët, duke ndërprerë kontratën me marrëveshje dhe marrë lejekalimin, ndërkohë që më parë janë huazuar te Flamurtari Kamara dhe Sidibe.
Ish-futbollisti i Laçit dhe i Burrelit vjet ishte titullar fiks te skuadra e drejtuar nga Alban Bruka, teksa u aktivizua në 24 ndeshje si titullar dhe shënoi dy gola.
Më shumë gjasa Ndreca sezonin e ri futbollistik do të luajë në Superiore, ku Luftëtari është skuadra e interesuar për të. Gjirokastritët kanë nevojë për një mbrojtës të majtë dhe fjalët e para kanë nisur të qarkullojnë.
