Është zbardhur skema e mashtrimit që kanë përdorur 22 efektivët e “Rrugores” në Kukës, të cilët përvetësuan 2 milionë lekë nga gjobat të cilat i vendosnin makinave por nuk i hidhnin në sistem. Sipas raportimeve “koka” e skemës së mashtrimit ishte Gramoz Dafku, shefi i cili ishte shef i Seksionit të Qarkullimit për Rrugën e Kombit.
Ndërkohë mësohet se AMP mori indicie nga një shqiptar i Kosovës për gjobën që e kishte paguar, të cilën policët e kishin shënuar në procesverbal. Por nga ana tjetër, ka rezultuar se efektivët i kishin marrë paratë për vete, duke mos i dorëzuar te financa. Gjobat varionin nga 200 deri në 500 mijë Lekë të vjetra, të gjithë të huaj, por pjesa më e madhe nga Kosova.
Vjedhja e gjobave dyshohet se ka ndodhur gjatë vitit 2023 dhe hetimet kanë zgjatur për rreth 9 muaj. AMP ka mundur të sekuestrojë procesverbale të gjobave dhe materiale të tjera në shërbim të dokumentimit të veprës penale. Mbrëmjen e djeshme, AMP njoftoi se ka ekzekutuar vendimin e Gjykatës së Kukësit që ka caktuar masa sigurie për 22 punonjës policie, të dyshuar për “Vjedhje duke shpërdoruar detyrën” dhe “Shpërdorim detyre. 6 prej tyre janë në arrest me burg ndërsa 16 të tjerët janë nën masën “detyrim paraqitje”.
LISTA E 22 EFEKTIVËVE:
Krenar Molla
Gasper Gjeta
Armand Shehu
Ndoc Pjetri
Armir Hallaçi
Marjan Bolaj
Kastriot Gjini
Gilbert Kapxhiu
Arsim Braha
Gramoz Dafku
Shuaip Gjuta
Artan Pellumbi
Agron Nika
Zenel Axhemi
Asqeri Xhelo
Ismail Petku
Gjovalin Tushaj
Gjelosh Laska
Flavio Ademi
Bardhok Çupi
Alfred Tushaj
