Sfida e të hënës, të cilën e fitoj Dj Bujaka ka sjellë reagime të shumta gjatë kësaj jave.
Sara Karaj ngeli e lënduar në kokë në sfidë, por nga Bujaka nuk është pranuar që ka pasur forcë.
Fermerëve u është dhënë mundësia që të shohin me vëmendje klipin, të cilët kanë shprehur mendime të ndryshme.
“Mua mu duk e drejtë çfarë tha. Kjo situatë është pak e fryrë. Unë nuk ndikohem nga askush”, tha Bujaka.
Nga klipi që panë, fermmerët ngritën dyshime se Henri u ngriti “kurth” Bujakës dhe Sarës, duke u lidhur kubat. I pyetur, vetë Henri tha: “Bujaka ka tentuar 2 herë ta tërhiqte dhe nga nyja që bëra unë nuk mundi dhe aty ndodhi forca e Bujakës. Unë mendoj që Bujaka ka qenë me kubat e vetë. Nuk ka pasur tërheqje fizike, por aksidentale çdo gjë”.
Por Sara, nga ana e saj tha se pavarësisht se ajo kaloi natën në spital, nuk gjeti mbështetje nga fermerët e tjerë. Duke iu referuar Kostanës dhe Zhakut, por edhe Bujakës, Sara tha: “Unë ika në spital sepse kam një hematomë që ka nevojë për survejim. Dy gra zgërdhihen dhe një burrë që e ka shkaktuar këtë gjë, nuk pyet se si je kur vjen pas një nate në spital. Ajo që bën është bashkimi me këto dy gra dhe zgërdhihen me gjendjen time shëndetësore. Më vjen keq që kemi shembuj të tillë, që përveç se i hedhin benzinë zjarrit, nuk duan të shohin realitetin”.
Për Kostanën, nuk kishte forcë dhe nga sfida, askush nuk ngeli i lënduar.
“Jam e gëzuar që askush nuk u lëndua. Jam e gëzuar që u provua që nuk ishte dhunë. Manipulatorët dhe gënjeshtarët nuk mund ti mbështes, pavarësisht situatave që krijohen. Unë nuk ka nevojë për vëmendje”, tha Kostana.
“Për mua është temë e ezauruar. Nuk kam çfarë them”, tha Zhaku.
“Është përdorur dhunë për të fituar sfidën”, tha Iliri.
“Unë të isha në atë pozicion, moralisht, do ta kisha lënë të kalonte”, u shpreh Visi.
