“Më sillni Rexhinaldon, e dua patjetër në skuadër”.
Kjo është kërkesa e parë që trajneri i ri i Kukësit, Mladen Milinkoviç, u ka bërë drejtuesve për merkaton.
Bëhet fjalë për sulmuesin që mbylli sezonin te Luftëtari, Arturo Rexhinaldo. Ky i fundit ka përfunduar kontratën me gjirokastritët dhe është ende pa skuadër.
Në fakt, agjencia që e menaxhon ia ka sugjeruar Kamzës, por sipas të gjitha gjasave Rexhinaldo do të jetë afrimi i parë te Kukësi i epokës “Milinkoviç”.
Sulmuesi nga Mozambiku mund të bëjë disa role në repartin e avancuar.
