Në Lisbonë, Arsenal i mjaftuan vetëm 2 gjuajte në kuadrat, vetëm 2 raste për të shënuar 1 gol në limite, por jashtëzakonisht shumë i rëndësishëm, me “topçinjtë” një hedhin një hap të sigurt drejt fazës se 1/2 pas suksesit 0-1 në transfertë. Ekipi i Artetas vërtetoi edhe një herë se janë një skuadër shumë cinike, prej kohësh kanë hequr dorë nga futbolli i bukur ofensivë, në sytë e Artetas dhe stafit të tij tani ka ardhur koha për të arritur rezultatin me çdo kusht.
Sporting Lisbona trembi jo pak Arsenal, me portugezët që goditën traversën që në start me një predhë të vërtetë të Araujo. Si gjithnjë, Arsenal u përgjigj nga goditjet standarde ku në minutën e 15-të Madueke hodhi në zonë një kros të fort që u përplas në traversë. Vendasit u përpoqën në çdo formë të gjenin golin e avantazhit, por hasën në një pengesë të fortë, me portierin Raya që shmangu një gol të sigurt në minutën e 87-të. Në fund, në shtesë, Martinelli me një asist fantastik gjeti brenda në zonë Havertz, me sulmuesin gjerman që nuk fali duke dërguar topin në rrjetë. Kjo ishte fitorja e 38-të e Arsenal brenda një sezoni duke iu afruar rekordit të sezonit 2001/2002, në atë kohë “topçinjtë” drejtoheshin nga legjenda Arsene Wenger.
Pas ndeshjes, Mikel Arteta u shfaq i kënaqur me këtë fitore pavarësisht se ekipi i tij nuk ishte brilant: “E dinim ekzaktësisht që do të ishte e vështirë, në Champions kështu është. Më pas u hodh në fushë Havertz dhe zgjidhi ndeshjen me një gol në fund. Raya? Ishte fenomenal, por në këto nivele ndeshjet luhen në të dy zonat, për fat të keq në sulm nuk bëmë mirë”, u shpreh Arteta.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
