Në Bashkinë Gjirokastër kanë ndodhur së fundi dy lëvizje, si për të konfirmuar edhe njëherë se në fakt këtu gjërat ndryshojnë pak, pasi përgjithësisht janë të njëjtët njerëz që qarkullojnë nëpër pozicionet drejtuese. Doriana Demo që deri më tani drejtonte Ndërmarrjen e Trajtimit Studentor, është emëruar drejtoresha e Arsimit në Bashkinë Gjirokastër. Ajo zëvendëson në atë drejtori Irena Karagjozin, e emëruar rreth një vit më parë. Ndërkohë Ish-nënkryetari i bashkisë, Vangjel Muço, është emëruar drejtor i Urbanistikës, duke zëvendësuar Ilir Çumakun e transferuar në një tjetër pozicion. Vakant për momentin është vendi i drejtorit të Ndërmarrjes së Trajtimit Studentor, insitucion që i kaloi në varësi Bashkisë Gjirokastër. Me siguri që edhe aty do të gjendet një drejtues prej grupit të atyre pak njerëzve që “shëtisin” nga njëri institucion në tjetrin, se për të promovuar njerëz të rinj është gati mision i pamundur. Për fat të keq!
©argjiroja.net
