Ndërsa numërimi i votave vazhdon në të gjithë vendin, kandidati për deputet Tritan Shehu nga Gjirokastra ka deklaruar se është i bindur se PD do të ketë një rezultat të mirë.
Shehu tha për News24 se pret një rezultat “i cili do të shënojë pikërisht vullnetin e qytetarëve të Gjirokastrës ndaj këtij regjimi”
“Është akoma shpejt për të folur për rezultatin, presim numërimin e kutive të tjera.
Unë jam i bindur se rezultati do të jetë i mirë për PD. Një rezultat i cili do të shënojë pikërisht vullnetin e qytetarëve të Gjirokastrës ndaj këtij regjimi.
Pres që të marrin rezultatin më të mirë të mundshëm. Pres të përfaqësohet me 2 deputetë”, tha Shehu.
