Nga Adil Xhelili
Vaj medet ku kemi arrit! Qytetarët libohovitë janë gdhirë këtë mëngjes me ca trakte ndënë derë, ku në një anë kishin dy fytyra simbiozë e në anën tjetër ca politikanë, mes tyre dhe unë, i shpallur non grata nga Rama e puthadorët e tij. Hahahaha, çfarë humori! Të të shpallë Rama non grata të bën nder, se të paktën kurrë nuk mund të jem si ai dhe soji i tij! Merakun e kam me debatikasit që shpërndajnë trakte të tilla e për ata që i nxitin të denigrojnë fytyrat tona që i njeh gjithë Libohova.
Ne shpërndajmë ide e programe hapur, këta shpërndajnë daci bao fshehurazi se nuk kanë fytyrë të përballen me njerëzit. Fushata nuk ka të bëjë me partitë e politikanët, ka të bëjë me njerëzit, mendimet e propozimet, hallet dhe zgjidhjen e tyre.
Kushdo që ka një ide, ta hedhë, ta diskutojë e në fund njerëzit ta vlerësojnë. Por këta politikanë te denigruar e vazhdojnë politikën përçarëse dhe tashmë e theksojnë edhe më duke shpërndarë shpifësira të tilla.
Këtë politikë premtojnë për 4 vitet që vijnë që kush është kundër tyre është i padëshirueshëm, këtë u mësojnë fëmijëve, këtë ua kujtojnë gjyshërve njësoj si para 30 viteve, këtë u thonë prindërve tanë. Po unë kurrë nuk mund të jem lloji i tyre, për sa kohë që njerëzit më votojnë si birin e tyre, votojnë programet dhe jo fytyrat.
Ndaj edhe për 1 javë miqtë e mi, të bashkojmë forcat për ndryshimin, të ecim triumfatorë drejt fitores, të kthjemë pushtetin në duart e njerëzve e t’u mësojmë politikanëve mashtrues se jeta e një qytetit dhe e një krahine nuk merret dot peng as nga pengmarrësit e as nga pengjet e njollosur.
