Është paksa për të qeshur, por dy personazhet kryesorë sot në Shqipëri janë dy persona që nuk kanë ndonjë kontribut në shoqëri. Njëri, Donald Veshaj, është aktor humori, ndërsa tjetra, Beatrix Ramosaj, njihet thjesht se poston foto provokuese në rrjetet sociale.
Në rrjetet sociale dhe media flitet vetëm për ta, pas hyrrjes në “Big Brothet”, ku dhe kanë nisur një romancë me njëri-tjetrin. Vetëm se Donaldi deri para hyrjes në këtë shou ishte i lidhur me moderatoren Bora Zemani, ndërsa pasi hyri në shou, nisi lidhje me shoqen e saj, Semi Jaupaj. Pastaj kur doli kjo e fundit, nisi marrëdhënien e famshme me Betarix. Së fundmi, për të komentuar këtë situatë ka folur vëllai i Beatrix, Alban Ramosaj.
“Kisha mendime të ndryshme, por në fund thashë, pse jo?! Unë e njoh më mirë se kushdo Trixën, është njeriu më pozitiv dhe i sjellshëm. Ajo ka atribute që shumë femra duhet ta marrin shembull, pavarësisht se këto kohë është interpretuar ndryshe… Trixa është futur me një qëllim, të krijojë kujtime të bukura, të jetojë siç ka qejf, pa asnjë lloj djallëzie…
Është një njeri që jeton poetikisht dhe dëshiron të krijojë momente”, tha ai duke komentuar hyrjen e saj në shtëpi, ndërsa më tej, foli dhe për situatën me Donaldin.
“Ka qenë pak shqetësuese, por kur rri mendoj, kuptoj që nuk kanë idenë çfarë po flasin. Nuk na prek sepse ne e dimë se kush është Beatrix, e vërteta gjithmonë del. Nuk kemi asnjë lloj shqetësimi, shqetësimi i vetëm është që më ka marrë malli… Unë jam shumë i lumtur. Ajo gjithmonë ka patur problem të gjejë dikë që ta dashurojë dhe ta dojë.
Është shumë e mirë pa pikë djallëzie. Ajo motra ime jeton nëpër filma, dashuron pa kushte, lum ai që do mund ta bëjë për vete… Donaldin nuk e kam takuar asnjëherë, as nuk kam shkëmbyer asnjë fjalë të vetme me të”, u shpreh Albani.
