Presidenti i Shqipërisë, Bajram Begaj ka dekretuar lirimin nga detyra të zëvendësdrejtorit të Shërbimit Informativ të Shtetit (SHISH).
Është liruar nga detyra Oljan Kanushi, i cili mbante detyrën si zv.drejtor i Shërbimit Informativ të Shtetit, ndërsa nuk dihet se kush do ta zëvendësoj në këtë post.
E plotë:
D E K R E T
PËR LIRIMIN E ZËVENDËSDREJTORIT TË SHËRBIMIT INFORMATIV TË SHTETIT
Në mbështetje të nenit 93 të Kushtetutës dhe nenit 5 të ligjit nr. 8391, datë 28.10.1998, “Për Shërbimin Informativ Kombëtar”, të ndryshuar, me propozim të Kryeministrit,
D E K R E T O J:
Neni 1
Zoti Oljan Kanushi lirohet nga detyra e Zëvendësdrejtorit të Shërbimit Informativ të Shtetit.
Neni 2
Ky dekret hyn në fuqi menjëherë.
