Kevin Dodaj ka ndarë rrugët me Vllazninë dhe është gati të nisë një aventurë të re. 19-vjeçari spikati në Shkodër me talentin e tij, teksa në sezonin e kaluar, në 37 ndeshje të kampionatit, ia doli që të shënojë 6 gola.
Me një postim në rrjetet sociale, Dodaj i falenderon të gjithë për përkrahjen e dhënë, gjatë gjithë kësaj kohe.
Postimi:
“Faleminderit Vllazni! Dua të falënderoj nga zemra gjithë familjen e Vllaznisë – tifozët e mrekullueshëm që na mbështetën në çdo moment, bashkëlojtarët që luftuan si një trup i vetëm, dhe të gjithë ata që qëndruan pas nesh, në çdo fitore dhe vështirësi.
Ishte një nder i madh të vesh fanellën kuqeblu dhe të jem pjesë e këtij klubi historik. Çdo ndeshje, çdo stërvitje, çdo moment do të mbetet gjithmonë në zemrën time.
Vllaznia nuk është thjesht një ekip – është një ndjenjë. Ju jam mirënjohës për gjithçka. Faleminderit për gjithçka që më dhatë! Me respekt dhe dashni, Kevin Dodaj”, shkruan Dodaj.
