Laçi ka marrë tre pikë shumë të rëndësishme sot duke e parë veten në kreun e renditjes së Kategorisë Superiore, pas fitores me përmbysje në fundin e takimit përballë Luftëtarit.
Në një ndeshje ku kurbinasit kishin iniciativën në pjesën më të madhe të kohës, ata e panë veten në disavantazh pas një kundërsulmi perfekt të Shkurtajt. Por ndryshimi i skemës së Mërgjyshit solli fryte dhe Shtubina gjeti barazimin, para se Xhekson t’ia bënte të thjeshtë ekipit kundërshtar edhe duke marr një karton të kuq të panevojshëm.
Në fund, Gjoni me një goditje me kokë vulosi fitoren e rëndësishme të kurbinasve që konfirmojnë se nuk kanë humbur karakteristikat e sezonit të kaluar dhe kanë përsëri objektiva për të qenë pranë majave të klasifikimit.
