Luftëtari mposhti Rabotniçin me rezultatin 3-1 në takimin miqësor të zhvilluar në Slloveni. Për këto fitore drejtuesit e klubit gjirokastrit kanë një dedikim special. Nëpërmjet një njoftimi në faqen zyrtare, klubi bluzi shkruan se fitorja e sotme qe për gjyqtarin Artan Lazaj. Ai sot ka seancën e vetingut dhe Luftëtari i ka uruar sukses dhe ka besim se Lazaj do t’ia dalë me sukses. Ai është gjyqtar i Shkallës së Parë në Gjykatën e Tiranës dhe drejtuesit kanë lidhje të ngushtë me të. “Ne sot fituam për ty, ti nesër do fitosh për ne. Suksese në seancën e vetingut. Je luftëtar! Suksese Artan Lazaj”, shkruan klubi gjirokastrit në “Facebook”.
