Reshjet e shiut kanë shkaktuar përmbytje edhe në Pogradec, duke rritur nivelin e lumit të Verdovës. Lumi rrezikon seriozisht dhjetëra banesa që gjenden në afërsi të lumit. Nga uji kanë pësuar dëmtim banesat, urat, rrugët dhe disa automjete.
Në orët në vijim situata pritet të përkeqësohet për shkak se intensiteti i reshjeve do vazhdoj deri në orët e para të mëngjesit. Banorët kanë bërë thirrje për ndihmën e autoriteteve, pasi jeta e tyre mund të rrezikohet seriozisht në orët në vijim.
