Macron francezëve: Tregohuni më të kujdesshëm në jetën private

Për shkak të rrezikut nga kontaminimi, presidenti francez, Emmanuel Macron u kërkoi bashkëqytetarëve të tij të jenë më të kujdesshëm gjatë jetës private në respektimin e masave përballë COVID-19.
“Ne nuk duhet të pushojmë në momente të jetës private, sepse shpesh në festat aty, në momentet familjare bëhen kontaminimet”, u shpreh presidenti francez gjatë një udhëtimi në Auvergne.
Ai tha se masat e reja për të luftuar virusin, i cili po qarkullon gjithnjë e më shumë në vend, do të shqyrtohen të premten në Këshillin e Mbrojtjes së Shëndetit.