Mafiozi John Alite vjen nesër në Gjirokastër, viziton shtëpinë e gjyshit të tij në ‘Dunavat’ (VIDEO)

Mafiozi mjaft i njohur me origjinë nga qyteti i Gjirokastës, John Alite, nuk e ka mohuar aspak origjinën e tij pavarësisht se ka jetuar tërë jetën e tij në Amerikë. Ai e kupton gjuhën shqipe, por nuk e flet dot atë. Në trupin e tij, John Alite ka dy tatuazhe që i dedikohen Shqipërisë dhe origjinës së tij, të cilat i ka treguar në studio. Ai ka shqiponjën e flamurit shqiptar në trup; Një shqiponjë më të madhe me shkrimin “Shqipëri” në gjoks dhe tjetrën më të vogël, në kyçin e dorës. Ai ka folur më shumë rreth vetes së tij në emisionin ‘Zonë e Lirë’, ku ndër të tjera tregoi edhe qytetin e origjinës së babait të tij, Gjirokastrën. John Alite tha se do të vizitojë nesër Gjirokastrën dhe më konkretisht lagjen ‘Dunavat’, ku ka lindur babai i tij. Shihni më poshtë pjesë nga intervista e tij përballë Arjan Canit.