Mali i zi me trajner të ri. Përfaqësuesja malazeze ka zyrtarizuar së fundmi në pankinë Mirko Vucinic.
“Një rol i ri, ndërsa përpiqemi të ndërtojmë një brez të ri. Kapiteni ynë i parë, lojtari ynë i gjithanshëm, trajneri ynë, Mirko Vucinic ynë.”- shkruan Mali i zi.
Vetë Vucinic u shpreh i lumtur për arritjen e marrëveshjes. “Ndihem i nderuar dhe i kënaqur, ishte dëshira ime e madhe që një ditë të bëhesha trajner. Kam qenë këtu që nga dita e parë që ekziston kombëtarja, gjithmonë më ka pëlqyer të vij dhe kështu duhet të jetë me të gjithë”.
41-vjeçari, i cili e kaloi pjesën më të madhe të karrierës së tij si lojtar në Serie A me Lecce-n, Romën dhe Juventusin, do të marrë drejtimin e Malit të Zi, në atë që quhet eksperienca e tij e parë si trajner.
Vucinic shënoi 17 gola nga 46 paraqitje për Malin e Zi gjatë kohës së tij si lojtar.
© BalkanWeb
