Malia Obama, vajza e ish-presidentit të Shteteve të Bashkuara, Barak Obama, po bëhet shembull për veshjen e saj.
Gazetarët kanë vënë re se asaj po i pëlqen stili i yllit Rihanna.
Por Malia po e vesh atë stil brenda “kufijve” të moshës së saj, shkruan sot Koha Ditore. Gazetarja e revistës prestigjioze të modës “Vogue”, Maria Ward, ka thënë se Malia çdo ditë e më shumë po bëhet një shembull për vajzat adoleshente. Sipas saj, Malia po e përshtat shumë mirë veshjen e saj me moshën.
Kur bëhet fjalë për stilin e rrugës, efekti i yllit Rihanna vihet re pothuajse gjithkund. Së fundmi është vënë re tek gardëroba e yllit dhe aktiviste për të drejtat e femrave, Lena Dunham. Lena kishte mbathur një palë çizme të markës “Puma” të dizajnuara nga Rihanna..
