Me Man.City që është rikthyer fuqishëm në garë, Arsenal mban presionin dhe kreun në Premier League, me “topçinjtë” që triumfuan 0-1 ndaj Everton duke ruajtur distancën prej dy pikësh me “qytetarët” e Pep Guardiola-s. Momenti më përcaktues i këtij takimi erdhi në minutën e 27-të, kur Arsenal fitoi një 11-metërsh për prekje të topit me dorë në zonë. Nga pika e bardhë, Viktor Gyokeres u tregua i saktë duke tunduar rrjetën, gol që në fund rezultoi një trepikësh pasi rezultati mbeti i pandryshuar deri në fund.
Një fitore të madhe në javën e 17-të në Premier League siguroi edhe Man. City. Ndaj West Ham siguruan fitoren e 5-të radhazi në Angli, e teta në tetë ndeshjet e fundit në të gjithë turnetë, shifra që tregojnë qartë se “qytetarët” janë rikthyer frikshëm. Guardiola i falet edhe një herë një super Haaland, me bindin norvegjez që realizoi një “dopietë” golash në suksesin e pastër 3-0. Fal këtij dygolëshi, Haaland ngjitet në kuotën e 19 gola në këtë edicion të Premier League.
Një fitore të rëndësishme siguroi këtë javë edhe Liverpool, me të kuqtë që triumfuan 1-2 ndaj Tottenham në transfertë. Ky ishte suksesi i tretë radhazi për ekipin e Slot. “Gjelat” mbetën me 10-të lojë që në minutën e 33-të pas daljes me karton të kuq të Simons. Në fraksionin e dytë, Isak dhe Ekitike, dy blerjet e verës, realizuan për Liverpool, ndërsa në fund ishte Richarlison që shënuan për Tottenham duke sigluar shifrat përfundimtare në 1-2.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
