Një skuadër angleze triumfon sërish ndaj një ekipi italian në finalen e UEFA Champions League në Stamboll por 16 vite pas Liverpool-Milan, ishte radha e Manchester City-Inter.
Pep Guardiola barazon Alex Ferguson me tre trofe brenda një sezoni pasi skuadra e tij kompletoi kryeveprën me Kupën e Kampioneve që e ngriti në qiellin turk edhe pse jo me futbollin spektakolar që na ka mësuar. Cinik Manchester City e madhe shpesh herë i “shëmtuar” por mjaftueshem i fortë për të thyer Interin që nuk bëri shumë për ta fituar këtë finale.
Zhgënjejnë zikaltërit në një mbrëmje që do të kërkojnë ta harrojnë sa më shpejt edhe pse trofeun e tyre e kishin fituar me kalimin në finale. Rodri në minutën e 68 bëhet i dhjeti spanjoll që shënon në një finale duke lënë pas brazilianët dhe gjermanët me 7 ndërsa një rast i vetëm i ndalur nga Lukaku në zonën e bardhekaltërve është shija që la skuadra zikaltër në 90 minutat e vështira të finales ndërsa në vijën fatale, Ederson bëri mrekullinë po ndaj belgut.
Atmosferë fantastike në “Ataturk Stadium” ku deri në minutën e 68 nuk u shënua asnjë rast “infarkti” ku Haaland kërcënoi Onanan, ndërsa De Bruyne ishte lajmi më i madh në fushën e lojës me daljën e tij për shkak dëmtimi, por në të dytën, Akanji dhuroi një top për Bernardo Silvan që pason në zonë por Acerbi laergon topin që përfundoi te e djathta e Rodrit i cili e stampoi në portën e Onanas.
Festë bardhekaltër me Manchester City-n që shkarkoi tensionin por dy minuta më vonë rrezikoi seriozisht pasi Dumfries dhuroi një top për Dimarcon që fllimisht e ndali në tranversë dhe më pas u ndal nga Lukaku në pozicionin e një mbrojtësi për skuadrën e Guardiolas. As fundi nuk i mëshiroi zikaltërit me Lukakun që u ndal për mrekulli nga Ederson.
Mallkim për belgun dhe Interin që largohet me disfatë 13 vite pas finales së fundit të luajtur në Champions League. Lotë hidhërimi në Milanon zikaltër dhe festë e shfrenuar në Manchestein bardhekaltër me fitoren e parë në Champions League për Manchester City dhe të parën po ashtu për Pep Guardiolan pas asaj të fituar për herë të fundit në vitin 2011 me Barcelonën.