Mariah Carey njihet gjerësisht si “Mbretëresha e Krishtlindjeve”, titull që ia detyron hitit të saj të pavdekshëm “All I Want for Christmas Is You”, publikuar në vitin 1994.
Që nga dalja e saj, kënga i ka sjellë Carey-t rreth 60 milionë dollarë në të drejta autoriale, sipas Forbes. Vlera e hitit është rritur vazhdimisht ndër vite, duke i shtuar këngëtares miliona dollarë çdo vit.
Aktualisht, Forbes vlerëson se Carey fiton rreth 2.5 milionë dollarë në vit nga kjo këngë, ndërsa New York Post e çon këtë shifër deri në 3 milionë dollarë në vit. Më 13 dhjetor, “All I Want for Christmas Is You” u bë kënga e parë e Krishtlindjeve që kalon 2 miliardë dëgjime në Spotify, duke shënuar një rekord historik. “Kjo është e pabesueshme,” tha Carey për PEOPLE. “Jam shumë mirënjohëse për të gjithë dëgjuesit e Spotify në mbarë botën që e kanë bërë këtë këngë pjesë të traditës së tyre të Krishtlindjeve, vit pas viti.”.
Kënga është pjesë e albumit të katërt të Carey-t, “Merry Christmas”, dhe pati sukses të menjëhershëm global, duke kryesuar top-listat në 26 vende. Gati tre dekada pas publikimit, ajo vazhdon të rikthehet çdo sezon festash në krye të Billboard Hot 100 dhe në listat më të dëgjuara të Spotify. Sipas Forbes, në vitin 2021 kënga u bë kënga e parë e Krishtlindjeve që fitoi Çmimin Diamond të RIAA, çmim që jepet pasi një këngë kalon 10 milionë shitje dhe transmetime. Dy vjet më vonë, ajo u përfshi edhe në Regjistrin Kombëtar të Regjistrimeve të Bibliotekës së Kongresit të SHBA-së.
“Ky është një nder i jashtëzakonshëm për mua!” shkroi Carey në platformën X. “Absolutisht nuk e imagjinoja që kjo do të ndodhte kur po e shkruaja dhe regjistroja këtë këngë.”. “All I Want for Christmas Is You” mbetet jo vetëm një simbol i Krishtlindjeve, por edhe një nga këngët më të suksesshme dhe fitimprurëse në historinë e muzikës pop.
“All I Want For Christmas Is You” by Mariah Carey spends a 20th week at #1 on the Hot 100.
It breaks the record for the most weeks spent at #1 ever. pic.twitter.com/M7yvblvADd
— Pop Crave (@PopCrave) December 15, 2025
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
