Marrëveshja e 5 qershorit, Komisioni i Ligjeve i jep të drejtën SPAK-ut të hetojë shitblerjen e votës

Komisioni i Ligjeve ka miratuar sot ndryshimet në ligjin për rolin e SPAK në zgjedhje, të parashikuar dhe dakordësuar në marrëveshjen e 5 qershorit për Kodin Zgjedhor.
Tashmë SPAK ka të drejtë të hetojë krimet zgjedhore me ndryshimet e reja ligjore për Prokurorinë.
Në amendimin e ligjit, SPAK-ut i jepet e drejta të hetojë shitblerjen e votës kurse prokuroritë në rrethe do të ngrenë grupe të posaçme.
Sa për mbledhjen e Komisionit, i vetmi që votoi kundër ishte deputeti opozitar Adriatik Alimadhi që konfirmoi se kishte votuar kundër edhe për marrëveshjen e 5 qershorit në Kuvend.