Numri i të shëruarve nga pandemia Covid-19 që ka mbërthyer tërë botën ka tejkaluar shifrën e 42 milionëve. Sipas faqes së internetit “Worldometer”, gjithsej 42.031.578 persona në botë janë shëruar pas infektimit me virusin. 3 vendet e para me numrin më të lartë të rasteve rang global, janë gjithashtu edhe vendet ku janë shëruar më shumë persona.
Numri më i madh i të shëruarve është regjistruar në Indi (8.679.138), SHBA (7.805.280) dhe Brazil (5.512.847) ndërsa më pas radhiten Rusia (1.660.419), Argjentina (1.217.284) dhe Kolumbia (1.174.959). Që nga dhjetori i 2019-ës, kur virusi u shfaq për herë të parë, koronavirusi është përhapur në mbarë botën, duke infektuar mbi 60.7 milionë njerëz dhe duke shkaktuar mbi 1 milion e 426 mijë të vdekur.
