Edhe këtë vit, Premier League dominon tregun e transferimeve. Në këtë sesion të merkatos klubet angleze investuan miliona euro, por kryesisht, blerjet më të shtrenjta erdhën brenda për brenda ishullit. Me transferimin e Enzo Fernandez, Man.City realizoi blerjen më të shtrenjtë në këtë merkato, me mesfushorin argjentinas që i kushtoi 148 milionë euro “qytetarëve”.
Në vendin e dytë, si transferimi më i shtrenjtë renditet Morgan Rogers, me Chelsea-n që investoi 138 milionë euro për të blerë kartonin e tij nga Aston Villa.
Mbyll podiumin e lojtarëve më të shtrenjtë Elliot Anderson, sërish një blerje e realizuar nga Man.City. Vetëm këto tre blerje, kapin një total prej 375 milionë euro, sa për të bërë një krahasim, kaq shpenzuan të gjithë klubet turke në këtë merkato vere.
Nuk qëndroi pas as në këtë sesion ekipi i Liverpool, me të kuqtë që investuan 125 milionë euro për të blerë kartonin e Bradly Barcola nga PSG.
Mbyll “top5” Sandro Tonali, me mesfushorin italian që kaloi nga Newcastle te Tottenham për 108 milionë euro. Tonali mbetet lojtari më i shtrenjtë italian në tregun e transferimeve.
