Mbyllet sezoni i rregullt i kampionatit të futbollit të vajzave. 4 skuadra në garë për titullin kampion

Është mbyllur java e 18-të dhe e fundit e sezonit të rregullt të kampionatit të futbollit të vajzave, me ndeshjen Partizani – Atletik Klub, e luajtur këtë të hënë në stadiumin ”Arena e Demave”, që përfundoi me rezultatin 4-2 për vajzat e kuqe.

Vllaznia e mbylli sezonin e rregullt në vendin e parë me 46 pikë pas fitores 2-0 ndaj Gramshit në ”Loro Boriçi”. Gramshi e mbylli kampionatin në vendin e tretë me 35 pikë. Apolonia e vendit të dytë triumfoi 10-1 në transfertën e Lushnjes këtë javë, duke e mbyllur këtë edicion në kuotën e 38 pikëve.

Teuta mundi Kinostudion 2-0 në ndeshjen e luajtur të shtunën në QKS Kamëz, duke u renditur për herë të parë në vendin e katërt në kuotën e 31 pikëve dhe duke siguruar për herë të parë ”Final 4”.

Fazën ”Final 4” e ka siguruar edhe ekipi i Gramshit. Në shortin e hedhur ditën e sotme në “Shtëpinë e Futbollit” janë përcaktuar edhe gjysmëfinalet e këtij edicioni. Gramshi do të përballet me Vllazninë në ndeshjen e parë, ndërsa Teuta do të presë Apoloninë. Gjysmëfinalet e para do të luhen më 18 maj ndërsa ndeshjet e kthimit do të zhvillohen më 23 maj.

Java e 18-të

Kinostudio 0–2 Teuta

Lushnja 1–10 Apolonia

Vllaznia 2–0 Gramshi

Partizani 4-2 Atletik Klub

Renditja përfundimtare 2025/2026

Vllaznia 46 pikë

Apolonia 38 pikë

Gramshi 35 pikë

Teuta 31 pikë

Partizani 24 pikë

Kinostudio 16 pikë