Përveç gjyqtares Enkelejda Hoxha, e cila u arrestua një ditë më parë, ai që ka shokuar më shumë opinionin, ka qenë rasti i mjekut Edvin Prifti.
I promovua në media si një mjek i njohur dhe profesionist, Prifti shfaqej shpesh nëpër debate publike në TV dhe gazeta, si një njeri kompetent.
Dhe të krijonte përshtypjen e një njeriu të respektuar dhe të përgatitur, natyrisht.
Por, prapa njeriut të “respektuar”, me sa duket fshihej një tjetër person.
Ai akuzohet si merrete ryshfet në shifra të frikshme për shërbimet mjekësore në spitalin shtetëror.
Vetëm në shtëpi, atij iu gjetën diku tek 500 milionë lekë, një shifër kjo tronditëse për një mjek.
Rrjeti është ndezur nga debati, se në fakti, këtu të gjithë janë të korruptuar dhe kjo nuk përbën ndonjë çudi. Madje, më së shumti ata që dalin çdo darkë në TV e bëjnë moral.
Gazetari Edmond Arizaj ndërkohë, shkruan se në fakt, fajin më të madh e kanë ata që paguajnë ryshfet.
“Mjekut ju gjeten 250 mije euro dhe 160 mln leke. Me nje mesatare prej 5 mije eurosh, i bie diku tek 80 pagesa per punen e kryer.
Pra 80 persona te operuar dhe po 80 persona, apo me shume, kane paguar nen dore per sherbimet. Pyetja ime eshte e thjeshte, pervec llapashitjeve ne rrjetet sociale, ka ndonje denoncim per kete mjekun per mitmarrje?
Se ligji denon edhe ate qe e jep miten. 99 perqind e jona, as ne rradhe nuk presin. 98 perqind fusin leke nen dore e ne xhepa.
97 perqind shkojne dhe e ndjekin infermieren nga pas per t’i dhene 5 mije lekeshin. 96 perqind shkojne jashte orarit dhe i japin leke rojes per te thyer rregullat.
95 perqind paguajne, mbarojne pune, dalin te sheruar dhe thone: me mori leke shkerdhata, ky vend s’behet.
94 perqind vazhdojne ta konsiderojne spitalin si shtepi pushimi, shtrohet nje-flene dy. 93 perqind perpara se te vene ne salle te operacionit, pyesin dhjete te tjere sa duhet t’i jap mjekut, sa anestezistit, sa infermiereve.
92 perqind as e dine se kane te drejten e sherbimit mjekesor. 91 perqind duhet ta mesojne se nese nuk japin sherbim, mjeket dhe infermieret rrezikojne me shume se humbjen e “dites se punes”.
Nuk zgjidhet kjo pune me shprehjet “mjere ke ze halli”, apo me keq “te mbaroj hallin tim njehere”…”, shkruan ai.
“Imagjinoni të shkoni në shtëpinë e Elvis Naçit, sa para mund të gjeni”, shkruan një komentues, ndërsa të tjera me ironi shprehen se këtu në fakt janë të gjithë të korruptuar, nga politikanët, tek mjekët, policët, gjyqtarët, madje edhe hoxhët e priftërinjtë./tema
