Me kandidatët Piro Dhima dhe Anila Dhimitri, drejtuesja politike e PS-së, Mirela Kumbaro, zhvilloi takimin përmbyllës të fushatës elektorale në Përmet e Këlcyrë.
“Nga Këlcyra, bashkë me Anilën dhe Piron, në përmbyllje të një muaji të mbushur me takime fshat më fshat e sy më sy me banorët, me besimin e fortë të këlcyriotëve te #PS për të çuar përpara punët e nisura. Krenare për një skuadër që përfaqëson denjësisht qarkun tonë – për herë të parë të gjithë të lindur e rritur këtu, me punë, përkushtim dhe rrënjë të thella në komunitet, teksa më 11 maj të gjithë bashkë votojmë Partinë Socialiste për të ardhmen europiane”, shkruan Kumbaro.
“Me përmetarët e dashur që më japin aq shume emocione, në takimin përmbyllës të një muaji të mbushur me energji, bashkëbisedime dhe besim nga qytetarët. Bashkë me Anilën dhe Piron shkojmë drejt një fitoreje spektakolare të Partisë Socialiste në 11 maj, pas këtyre javëve që kanë qenë një udhëtim i sinqertë me një skuadër e cila flet gjuhën e vendit sepse të gjithë janë rritur e formuar në këtë qark! Për një të ardhme edhe më të mirë dhe për Përmetin që kemi ëndërruar, ecim përpara vetëm me numrin 5️⃣ dhe Partinë Socialiste!”, shkruan Kumbaro
