Mediat greke: Rama e Mitsotakis takohen në Bruksel, folën përcaktimin e zonave detare

Kryeministri Kyriakos Mitsotakis pati një takim me homologun e tij shqiptar Edi Rama. Të dy liderët diskutuan marrëdhëniet dypalëshe, si dhe kursin evropian të vendeve të Ballkanit Perëndimor, për të cilat kryeministri përsëriti mbështetjen e vendosur të vendit tonë. Ata ranë dakord që, pas zgjedhjeve në Shqipëri, të dy vendet janë të gatshme të shpejtojnë negociatat mbi një marrëveshje të përbashkët për të referuar Zonat e tyre Detare në Gjykatën Ndërkombëtare të Drejtësisë në Hagë. Edi Rama falënderoi kryeministrin grek për shpërndarjen falas të 20 000 vaksinave, të cilat u dorëzuan sot në Shqipëri. Kyriakos Mitsotakis përsëriti interesin e qëndrueshëm të vendit tonë për Pakicën Kombëtare greke si dhe për përparimin e Shqipërisë në fushat e të drejtave të njeriut dhe sundimit të ligjit, të cilat janë ndër parakushtet që BE ka vendosur për Shqipërinë. Më në fund, kryeministri përgëzoi Ramën për zgjedhjen e Shqipërisë si një anëtar jo i përhershëm i Këshillit të Sigurimit të Kombeve të Bashkuara për dy vitet 2022-2023.