Policia greke arrestoi paraditen e sotme, të burgosurin shqiptar Albion Xhezairi që u arratis nga burgu i Avlonës.
Ai u kap në rrugën Menandru të Athinës. Në arrati ka mbetur shoku i tij sirian.
Xhezairi, që konsiderohet se bën pjesë aktive në atë që quhet Mafia e Koridhalos, bashkë me një sirian, u arratisën mbrëmjen e së hënës në orën 21:40. Kur njeri nga të burgosurit kapërceu i pari gardhin e burgut, u pa nga një polic jashtë rrethimit. Ai e kuptoi se çfarë po ndodhte, por të arratisurit, që u bënë dy, e qëlluan në fytyrë dhe u zhdukën në errësirë.
