Protesta studentore dhe qëndrimet që mbajnë gazetarët rreth saj, fut në sherr edhe vetëë njerëzit e medias. Rasti i fundit është ai mes gazetarit Ilir Babaramo dhe Rudina Xhungës. Një shkrim i kësaj të fundit, i botuar në portalin e saj, ka ngjallur reagimin e ashpër të Babaramos. Lexoni më poshtë shkrimin e Xhungës dhe replikën e Xhungës.
Shkrimi i Xhungës
Zgjerohet fronti opozitar: Edi Rama shqetësohet nga sulmi i gazetarit Barabamo
Gazetari Barabamo është nevrikosur shumë kohët e fundit me kryeministrin Rama pasi ky nuk i shkon në studio për intervistë. Pavarësisht këmbënguljes së tij që kryeministri të shkojë, ai i ka kthyer përgjigje se ka frikë tek studioja e tij pasi i duket si vrima ku rrinte Drakula dhe nuk e kuptonte nga i vinin pyetjet. Barabamoja këtë e mori për sulm personal pasi mendoi që kryeministri tallej për shkurtësinë e tij. Por kryeministri i tha se fobia e tij nuk ka lidhje me shtatshkurtësinë e Barabamos, madje e vlerësonte për këtë sepse i shkurtër ishte edhe Napoleoni, por sepse ishte shumë i zi dhe e ngatërronte me sfondin e skenës. Dhe kryeministri që i vogël i ka fobi lakuriqët e natës, ndjesi që ja krijonte studioja e zezë e Barabamos, dhe kur ky i bënte pyetje, nuk e kuptonte nga i vinte zëri.
Pas kësaj Barabamo morri vendimin që të bëhet armik i betuar i Ramës dhe të sulmojë këtë në çdo drejtim. Kështu që sot Barabamoja kishte bërë një shkrim të thellë sociologjik ku shpjegonte sesi Ramës i kishte ardhur fundi dhe i ishte çarë diga; se studentët nuk do ndaleshin derisa ta rrëzonin dhe se në këtë pikë nuk e shpëtonte dot askush. Shkrimi i Barabamos pati jehonë të thellë në portale që shquhen për nivelin e tyre të lartë intelektual dhe lexuesin e përzgjedhur. Pas kësaj pritet që ditët e Ramës të jenë të numëruara. Kjo nisur edhe nga fakti se shkrimet e Barabamos përbëjnë trend në shtypin shqiptar, pavarësisht se shpesh harron t’ia lexojë edhe gruaja.
I trembur nga ndikimi që mund të ketë shkrimi i Barabamos në Gjirokastër dhe veçanërisht në lagjen Palorto, kryeministri Rama mori në telefon punëdhënësin e Barabamos dhe i tha që ti lutej për ta hequr shkrimin. Pas gjysëm ore bisede, ku Rama po i shpjegonte punëdhënësit të Barabamos, se kush ishte Barabamoja dhe çfarë emisioni bënte, ai i tha që mos ta vriste mendjen se emisionin e tij nuk e shikonte edhe ai vetë, por ia linte se i kishte mbetur në dorë dhe i vinte gjynah ta hiqte, pasi sa herë matej, Barabamoja i vinte duke qarë në zyrë dhe i thoshte se kishte halle e nuk kishte para as për të blerë këpucë
Pas kësaj, priten aksione të tjera të Barabamos, si pjesë e frontit opozitar për rrëzimin e Ramës. Nuk mungojnë as ofertat nga partitë opozitare për Barabamon, por ai është shprehur se për momentin është i dashuruar me profesionin e tij. Gjithsesi do ta mendojë. Edhe ne si dritare.net e kemi në detyrë t’iu informojmë në të ardhmen mbi ecurinë e shkrimeve dhe jetës së Barabamos si pasuri intelektuale e vendit.
Reagimi i Babaramos
Rudina Xhunga si Ornela Vorpsi
Pak caste më parë një koleg më mori në telefon. Të ka sulmuar Rudina Xhunga, më tha. E pyeta se ku. Pas shumë çastesh mësova se bëhej fjalë për portalin e saj që ia lexon vetëm burri. Vuajta ca sa e gjeta . E lexova. Në fakt nuk u zhgënjeva. E njëjta Rudinë e kompleksuar dhe e frustuar që njoh prej mbi 20 vjetësh. Me sharrjet që përdorte kundër meje fillimisht më kujtoi Hanushenë, një jevgë që shante këdo tek rradha e qumështit në dyqanin e lagjes në Gjirokastër. Do kisha qeshur dhe do ta kisha mbyllur me kaq nëse gjithë shkrimi ishte një apologji për Edi Ramën I cili sipas saj nuk vjen në emision tim. Rudina e cila , vitet e punës I ka si dhëmbët e plakave, një po një jo, sepse gjithnjë e përzënë nga puna si një histerike të paaftë ekrani, besoj e di se Rama ka ardhur tek 5 Pyetjet mbi 40 herë. Problemi I Xhungës , ose atij skuthit që ia sugjeruar, është gjetkë : përse në komentet e mia mbaj qëndrime kundër qeverisë.
Ti them kësaj ditëzezës se është nder për një gazetar të mbajë qëndrime kundër qeverisë jam e sigurtë që nuk e kupton. Nuk e kupton sepse jetën profesionale e ka ndërtuar rreth një njeriu. Atij I jargavitet ti gjejë punë sa herë e flakin në rrugë si të paaftë. Ndaj behet si hiene kur dikush kritikon Edi Ramen. Por se do ishte kaq e pështirë në këtë jargavitje nuk më shkonte mendja. Ka vetëm një konkurente, Ornela Vorpsin që deklaroi pa I dridhur qerpiku : Edi Rama me sharmin e tij magjepsi gjithë Parisin. Madje Xhunga pati pacipësinë që ta dalë publikisht të mbronte një idiotësi të asaj fatkeqes tjetër.
PS : Kaq sa për sot. Nëse të mbush mendjen skuthi të shkruash prapë, gati më ke për plot të tjera.
