Messit nuk i rrihet në Barcelonë, ja ku ikën bashkë me Luis Suárez

Leo Messi dhe Luis Suárez janë tashmë me pushime në Ibiza. Ylli argjentinas dhe sulmuesi i Atlético Madridit u larguan këtë të enjte nga Aeroporti El Prat drejt ishullit Balearic, ku do të kalojnë pjesën e fundit të pushimeve së bashku, para se të kthehen në stërvitje. Në rastin e Messit, Barça do të duhet të zgjidhë problemet e kufirit të pagës, para se të jetë në gjendje të njoftojë zyrtarisht rinovimin e yllit nga Rosario, i cili mbetet i qetë, pavarësisht situatës.
Media iberike gjuajti mbërritjen në aeroport si të Messit, ashtu edhe të familjes së tij, pastaj ajo e Luis Suárez, e cila kishte qenë në Kataloni prej disa ditësh. Tani, dy miqtë e pandarë do të kenë kohë të pushojnë bashkë pas një vere shumë intensive në të cilën Messi fitoi Kupën e Amerikës, ndërsa Uruguaji i Suárezit u eliminua në çerekfinale kundër Kolumbisë.
Pas disa ditësh në Miami dhe Republikën Domenikane, Messi mbërriti mëngjesin e kësaj të mërkure në kryeqytetin katalanas, ku kaloi vetëm 24 orë, para fillimit të pjesës së fundit të pushimeve të tij verore. Barça është e sigurt se mund të njoftojë rinovimin e Messit, kur ekipi të kthehet nga Gjermania. Pikërisht atëherë, “10” do të ribashkohej me stërvitjen blaugrana.