Vazhdimësia e koalicionit Rama-Meta nuk konfirmohet ende, të paktën publikisht, ndonëse të dy palët mund të kenë arritur një marrëveshje. Në përfundim të takimit të sotëm Rama-Meta, ka folur për mediat kreu i LSI-së.
“Kjo nuk është cështja më e rëndësishme. Më e rëndësishme është të punojmë për dialog”, tha Meta duke mos dhënë më sqarime për cështjen e koalicionit.
Meta tha se qëllimi kryesor i këtij takimi ishte arritja e përpjekjeve për të garantuar paprekshmërinë e votës së shqiptarëve. Sa i përket zgjidhjes së krizës politike, Meta tha se është rënë dakord që të kërkohet ndërmjetësimi i Partisë Popullore Europiane.
Kreu i LSI-së foli gjithashtu për një president të ri konsensual për vendin, ndonëse mazhoranca i ka votat për ta zgjedhur e vetme.
