Lëvizja Socialiste për Integrim ka votuar në unanimitet vettingun duke bërë që shumica qeverisëse të afishoje një rrezultat të plotë 78 me 0. Ashtu sikurse dihej dhe sikurse kishte premtuar Ilir Meta e mbylli ciklin e votimit të ligjeve për reformën në drejtësi. Por kreu i kuvendit ka përgënjeshtruar zërat e hapura nga burime pranë tij se pas të kryente këtë “formalitet”, ai do të largohej nga koalicioni.
I vetmi kurth që bëri Meta ishte afrimi me PDIU duke futur për votim edhe Shpëtim Idrizin (i cili anyrisht që humbi me vota) si kandidaturë për komisionin parlamentar për Vettingun. Kjo u duk edhe nga fjala që ai i dha Mesila Dodës në mbyllje të votimit.
Gjatë fundjavës së kaluar pothuajse të gjitha mediat pranë LSI dhanë lajmin se të martën në mbrëmje, partia e dytë e koalicionit do ta braktisë atë.
Ky veprim thuhej se do të bëhej pas propozimit të Metës se vendet e mbetura bosh në qeveri duhet ti jepeshin opozitës në kuadër të qeverisë së besimit që ai mendon se duhet ngritur për të bërë të mundur zhvillimin e zgjedhjeve.
Në fakt askush nga LSI, nuk i ishte konfirmuar zyrtarisht këto zëra.
E vetmja shenjë disidence qe ajo e Mesila Dodës e cila menjherë pas votimit deklaroi se koalicioni aktual qeverisës ka një krisje. A është edhe Meta pjesë e kësaj krisjeje, kjo mbetet të shihet ditët e ardhshme. (Lapsi.al)
