Rikthimi në Europë ishte projektuar si një natë feste, por u kthye në një makth për afro 70 mijë tifozë kuqezi të pranishëm në “San Siro”. Benfika jo vetëm “çmontoi” Milan, por i dhuroi një leksion të pastër futbolli Ruben Amorim, për më tepër thuajse me ekipin e dytë. Kaq mjaftoi që mediat italiane, por jo vetëm, të shenjtëronin Amorim, duke e kritikuar ashpër për zgjedhjet e tij dhe mënyrë se si vendosi të bënte një rotacion në fillim shtatori, që për pjesën më të madhe të opinionit ishte i panevojshëm.
Jo vetëm mediat, i pakënaqur me Amorim ka qenë edhe presidenti Cardinale, me këtë të fundit që ka planifikuar një telefonate me teknikun portugez. Asgjë e pazakontë apo shqetësuese në këtë pikë, është thjeshtë një telefonatë për të kuptuar se çfarë nuk po shkon me ekipin në këtë pikë të sezonit pasi “djalli” nuk njeh fitore në 3 sfidat e fundit, mes Serie A dhe Europa League.
Sipas mediave italiane, Amorim nuk është në rrezik, të paktën jo për momentin, por ndaj Lecce-s kërkohet një reagim i fortë, kërkohen 3 pikët me çdo kusht për të mos e dërguar ekipin në krizë totale që në fillim të sezonit.
I zbarkuar në verë në Milano, Amorim firmosi një kontratë deri më 30 qershor 2029 me opsion rinovimi edhe për një tjetër vit, edhe në aspektin financiar, është e pamundur, që Milan të ndryshojë trajner në këtë pikë të sezonit.
© BalkanWeb
Për t’u bërë pjesë e grupit “Balkanweb” mjafton të klikoni: Join Group dhe kërkesa do t’ju aprovohet menjëherë.
Grupi Balkanweb
