Raftet e supermarketeve në Britani janë të boshatisur për shkak të mungesës së stafit, pasi ndodhen në karantinë.
Federata Britanike e Distributorëve të Ushqimit i ka bërë thirrje qeverisë Britanike që të lehtësojë rregullat e saj të vetë-izolimit për ata që janë të ekspozuar ndaj Covid-19, i cili kërcënon, ndër të tjera, furnizimin në supermarkete.
Britanikët kanë shkarkuar aplikacionin special “pingdemic” ku thuhet se u duhet të qëndrojnë në karantinë për 10 ditë. Reduktimi drastik i stafit ka shkaktuar kaos në sektorë të ndryshëm si shitja me shumicë, supermarkete, transport mallrash, sektori i prodhimit dhe sektori i mikpritjes.
Në faqet e tyre të para, gazetat britanike sot kishin fotografi të rafteve bosh në supermarkete.
Shumë zinxhirë supermarketesh, si dhe shoqata e prodhuesve të mishit dhe kompanitë e transportit, po ankohen për mungesë punëtorësh, pasi disa nga punonjësit e tyre janë në karantinë.
Zinxhiri i supermarketeve në Islandë njoftoi se kishte pezulluar funksionimin e disa prej dyqaneve për shkak të mungesës së stafit. Zinxhiri i furnizimit me ushqim në Britani është “në prag të kolapsit” pasi mungesat për shkak të Covid-19 përkeqësuan mungesën tashmë të madhe të punëtorëve, tha një shoqatë e industrisë së mishit.
Qeveria britanike është zotuar të përjashtojë nga vetë-izolimi disa punëtorë të vijës së frontit, siç janë zyrtarët e hekurudhës, me kusht që ata të kenë marrë dy doza të vaksinës Covid-19 ose të kenë një test negativ.
