Edhe pse SHBA e ka shpallur “non grata” për korrupsion domethënës dhe minues të demokracisë, ka militantë që Sali Berishën e konsiderojnë burrë të ndershëm, që s’ka keqpërdorur fondet publike. Gjatë “Foltores” në Vlorë, ishte i pranishëm edhe ish kreu i Komunës Mesopotam në minoritetin grek. Ai i kërkoi Berishës që t’i printe ndryshimit, ndërsa akuzoi qeverinë “Rama” për rrënim sipas tij të jugut të Shqipërisë.
“Ne minoritarët nuk dimë që hajdut është Sali Berisha. Ne dimë që hajdut është Edi Rama. Gjithë jugu është denigruar. 106 fshatra kemi vetëm rreth 100 nxënës. Ne po shkojmë drejt vdekjes. Këtë vdekje na e ka ideuar Edi Rama. Nga viti 2018 dhe pas jugu është goditur më keq se cdo herë tjetër. Janë mbyllur bizneset që nga shtëpia e mikut tënd Spiro Ksera në Dervician deri në Urë të Gajdarit, nuk ka asnjë biznes. Ne duam juve të na prini”, tha militanti i PD-së.
