Prej kohësh tashmë flitet për mundësin e ngritjes së një aeroporti të ri në territorin e republikës së Shqipërisë e sidomos në pjesën jugore të vendit.
Për Ministrin e Transportit dhe Infrastrukturës Sokol Dervishaj, vendi idela për një aeroport të ri do të ishte qyteti bregdetar i Sarandës.
“… Saranda meriton më shumë sepse është qytet portual dhe ka nevoje për një port me kapacitete turistike moderne, që turistët mos të vijnë nga rruga por edhe deti. Unë ftoj edhe KFW që të japi kontribut në këtë aspekt. Por prap mungon një element. Pas heqjes së ekskluzivitetit të TIA, kemi mundësinë për një aeroport të 2-të. Në sytë e mi s’ka vend më të mirë se Saranda për këtë aeroport. Dhe besoj kjo do e bëj të pathyeshëm potencialin turistik të Sarandës”-tha Dervishi.
Dervishaj ndodhej në Sarandë për inagurimin e ujësjellësit të ri të qytetit, i shoqëruar nga kryebashkiakja Florina Koka dhe ambasadorja gjermane Susanne Schutz. Ujësjellësi i ri i Sarandës, ka një vlerë investimi që shkon në 7.6 milion euro dhe ka një zonë mbulimi 65 % të qytetit.
