Ministrja Elva Margariti nuk do të jetë pjesë e listave të Partisë Socialiste

Ministrja e kulturës Elva Margariti nuk do të jetë në listat e Partisë Socialiste. Mësohet se Margariti është tërhequr nga kandidimi për arsye që ende nuk dihen. Më herët është raportuar edhe largimi i Sadri Abazit, Vasilika Hysit dhe Eglantina Gjermenit nga listat e PS-së. Nga ana tjetër edhe deputeti Musa Ulqini e ka refuzuar pozicionin që i ishte ofruar nga Partia Socialiste në lista dhe është tërhequr. Kryebashkiaku Dritan Leli refuzoi gjithashtu ftesën e kryeministrit Edi Rama për të kandiduar për deputet, duke mos e lënë karrigen e kryebashkiakut.