“Mirë u takofshim në Gjirokastër!”, këto kanë qenë fjalët e fundit që 66-vjeçari ka ndarë me të afërmit e tij në rrjetin social, “Facebook”. Por, për fat të keq, ky urim nuk ishte i thënë të realizohej për Aleko Kostën, i cili u vra sot bashkë me gruan e tij Afërditën nga kushëriri në banesën e tyre.
Ndërkohë që dje 66-vjeçari ishte prezent dhe aktiv në rrjetet sociale. Ndërsa miqtë dhe të njohurit komentonin një foto të tijën me Afërditën, 66-vjeçari iu kthente përgjigje me falënderime e urime të shumta.
Në një nga komentet një mik i shkruante me superlativa duke shprehur vlerësimin maksimal për të, edhe Aleko e falënderonte dhe i thoshte se ndjehej i privilegjuar dhe shumë i përkëdhelur, e ndër të tjera uronte takimin sa më të shpejtë në Gjirokastër, por të parealizueshmë.
Aleko dhe Afërdita Kosta u vranë mëngjesin e sotëm nga kushëriri i 66-vjeçarit, djali i xhaxhait Apostol Kosta. Në banesë në momentin e ngjarjes ishte edhe djali adoleshent i Afërditës nga martesa e parë. Dyshohet se krimi i dyfishtë ndodhi për arsye pronësie.
M.P: Më shume se çdo koment flet fotografia. Në jetën reale njerëzit e afërm, miqtë lënë gjurmët e tyre, duke marrë edhe vlerësimet e njerëzve. Jetojmë në demokraci ku fjala e lirë është për të gjithë.
Personalisht e përdor fjalën e lirë për vlerësimin e njerëzve të mirë e të përkushtuar për familjen e shoqërinë.
Është e vërtetë që Lekon e kam kushëri nga mëma. Por komentet e mia për Lekon, Afërditën, familjen e tij, jam mbështetur edhe në mendimet e miqve të përbashkët që e njohin nga afër në vite të tëra.
Shprehjet e tyre
Është familjar i rregullt dhe i përkushtuar për familjen.
Është për t’i pirë dollinë
Lekua ha bukë veç e shumë të tjera që miqtë e kanë shprehur në postimet e Lekos
Me bindje të plotë e them që është një ndër çiftet më natyral, një familje e qëndrueshme me vizion të qartë bashkëkohor, ku spikatin thjeshtësia, maturia e dashuria për njerëzit e afërt dhe miqtë.
Së bashku me familjen time ndjehemi krenar që kemi pranë këtë familje të mrekullueshme. Ju përqafoj me mall e dashuri deri sa t’ju takoj nga afër.
Leko Kosta: Mihal i dashur! Sa herë që komenton më bën të ndjehem i privilegjuar dhe shumë i përkëdhelur, nuk e di a i meritoj kaq lavdërime e fjalë të zgjedhura por i dashur Mihal ti si gjithmonë di të nxjerrësh mjaltë Lunxhërie nga goja për të afërmit dhe miqtë e tu të shumtë të cilët të vlerësojnë dhe të duan sinqerisht sepse sjellja dhe komunikimi yt janë tejet të vlerësuara e të çmuara. Të përqafoj e të uroj shëndet e mirë u takofshim në Gjirokastër!
