Mirela Kumbaro mblodhi fundjavën që shkoi në një takim strukturat e PS në Libohovë. Ajo thotë se fitorja e bashkisë është e garantuar në 14 maj, ndërkohë që s’ka ende një kandidat zyrtar. Kryebashkiakja aktuale Luiza Mandi duket se po shkon drejt tërheqjes.
“Sërish në #Libohovë ku Partia Socialiste është çdo ditë në terren , nga një fshat në tjetrin, nga një lagje në tjetrën, në komunikim të vazhdueshëm me të gjithë brezat. Shumë punë janë bërë, por çdo sugjerim e këshillë nga njerëzit është vlerë e madhe për Partinë Socialiste që do të vijojë të bëjë më shumë për të gjithë bashkinë e Libohovës. #Skuadra energjike e socialistëve të Libohovës është gati për garën zgjedhore të 14 majit ku fitorja e #PS është e garantuar!”, thotë Kumbaro.
Opozita nga ana tjetër do të kandidojë Adil Xhelilin, emër i mbështetur nga grupimi i “Foltores” dhe i vetmi që mori pjesë në primaret e organizuara nga Seli Berisha. PD e “dorëzoi” Libohovën 8 vite më parë në garën e humbur nga Altin Çomo. ©argjiroja.net
